ياربى سامحنى

ياربى سامحنى انا غلبان
والدنيا غرتنى وانا تعبان
تعبان من المعاصى تعبان
انا مش ملاك انا انسان
وعارف انى هلكان
بس انا فى رحمتك طمعان
تغفرلى مانا انسان
وكل انسان له معاصى
ولا حد معصوم مانا عاصى
بس انا نويت اتوب
يارب تقبل منى يارب
انت ربى وانا عبدك
سامحنى ان يوم غضبتك
وشيطانى ضحك عليا
ورسم المعاصى جنة فى عنيا
انا دلوقتى ببكى من عنيا
عشان غضبتك ياربى
ده انا تعبان من قلبى
ونويت خلاص اتوب واصلى
وادعى ليك انك ترحمنى
ده انا من جوايا طيب
ونفسى ابقى منك قريب
يارب احمينى من نفسى
ده انا بدعى من قلبى
انك تسامحنى ياربى
وتبعد عنى المعاصى
يارب مبقاش فى يوم عاصى
ده انا فى قلبى خير كتير
بس الشيطان ضحك عليا كتير
وصور ليا المعاصى نعيم
ماهو كان عاوز يوصلنى للجحيم
وانا غلطت وعصيت بجهل
بس انا مش زى ابو جهل
انا مسلم بس عاصى
وتعبت من المعاصى
وندمت على اللى فات
وعلى الماضى والذكريات
ورجعت نادم بتوب
على كل الذنوب
تقبل منى ياربى
انا بدعى من قلبى
انك ترضى عنى
وتحمينى من نفسى