انت عندك قلب

فين هو الحب هو انت عندك قلب
ده انت بتقدر على زعلى وتجرح القلب
فين يبقى الحب ياجارح القلب
لسه بدرى عليك ياحبيبى لسه لما تحب
لسه عليك كتير لما يطلعلك قلب
الحب ده كله رحمة واحساس
مش كل ناس بتحب مش كل ناس
شوف ازاى انا ياما بسامحك
واتعب نفسى عشان فرحك
وكل ده ومش بيهمك زعلى
وبتتعب كتير اوى قلبى
احترت كتير فيك ياحبيبى
مش عارف اعمل ايه فى نصيبى
ودموعى نزلت من عينى وتعبت خلاص
فى قلبى ليك كل الحب وانت مش عندك اخلاص
اعمل ايه تانى عشان يحن قلبك ويأثر فيك
ده انا ياما بضحى اوى فى حبك
وعمرى مابلاقى غير جرحك
وبعد ده كله بتتنكر لحبى
وتدوس عليا وتجرح قلبى
فين هو الحب هو انت عندك قلب
ادعى ربنا انه يسامحك ويجعلك قلب
ده اللى ملوش قلب ميعرفش يحب
ده الحب شعور طاهر وبرىء
واجمل من كل شىء
لما يطلعلك قلب
ابقى اعرف بعدها الحب
فين هو الحب هو انت عندك قلب
فين يبقى الحب ياروح القلب